Bønn for Sentral- og Vest-Afrika

Slik var det sikkert for Israelsfolket også. Dei måtte gjera tungt arbeid som slavar under harde herrar i Egypt, og blei mishandla og undertrykte. I si naud ropte dei til Herren. Men det virka som om situasjonen berre blei verre og verre. Hadde Gud gløymt dei?

Då er det godt å lesa kva Gud sjølv seier til Moses då han tala gjennom ein brennande tornebusk: Herren sa: «Eg har sett nauda til mitt folk i Egypt og har høyrt skrika deira under slavedrivarane. Eg kjenner deira smerte. (2 Mos 3,7)

Når me veit at hos Gud er det ingen omskifte eller skiftande skugge, kan me rekna med at Gud er den same i dag. Når me vender oss til han i sorg og fortvilelse, så høyrer han oss, ser oss, kjenner på vår smerte og handlar til det beste for oss.

Takk at du er med og kjempar saman med kvinner i ulike delar av verda. Kvinner som strevar med andre utfordringar enn oss, og same utfordringar som oss. Så har du også dine kampar å kjempa. Hugs at i alle ting så har du ein Herre som høyrer, ser, kjenner og handlar.